პლანეტა დედამიწის რუკა
უამრავი საკითხი სამყაროს შესახებ კვლავაც მეცნიერთა დავის საგანია... არსებობს უამრავი კითხვა, რომელთა პასუხი ჯერაც დაზუსტებით არავინ იცის... მართლაც ვინ ვართ? ან საიდან მოვდივართ? რისთვის ვცოცხლობთ და რა მიზანი აქვს ჩვენს სიცოცხლეს? რა გველის მომავალში ან სად მივდივართ? ყოველი დაბადებული უნდა მოკვდეს... ეს კანონია... მაგრამ რატომ? რისთვის?.. და კიდევ ამგვარი უთვალავი კითხვა,რომელიც დღესაც სრულად თუ არა ნაწილობრივ მაინც პასუხგაუცემელია... და რაც უფრო მეტად ვფიქრობთ იმ ამოუცნობი სამყაროს შესახებ, სადაც მთელი ცხოვრების გატარება გვიწევს, მით უფრო მეტად ვრწმუნდებით კაცობრიობის უძლურებასა და უსუსურებაში... მოკლედ, ,,ჩვენ ვიცით, რომ არაფერი არ ვიცით"...
მეცნიერები დღემდე ვერ მისულან ერთ კონკრეტულ დასკვნამდე, რომელიც ყველასათვის მისაღები იქნებოდა...
ჩვენი ცოდნა სამყაროს შესახებ მინიმალურია. უამრავი კითხვა რჩება პასუხგაუცემელი... და ალბათ, კიდევ წლების, საუკუნეების მანძილზე, ან სამუდამოდ დარჩება ასე...
იქამდე სანამ ყოველივე არ დასრულდება... მეცნიერები შეთანხმდნენ, რომ დრო სამყაროს შექმნიდან დაიწყო, მანამდე კი არსებობდა უსასრულობა. მაგრამ შესაძლოა დრო გაჩერდეს და კვლავ უსასრულობამ დაისადგუროს... და თუ ასე მოხდება მაშინ ხომ კაცობრიობა დაიღუპება. ან მოხდება კი ასე?.. ამაზე პასუხი არავის აქვს... ის კი დანამდვილებით ვიცით, რომ მარადიული არაფერია... მხოლოდ იმედი და რწმენაა ის, რაც ყოველ ჩვენგან ასულდგმულებს და რითაც ყოველ მომდევნო დღეს შევყურებთ...
